Colaboración entre etapas: Unha forma de aprender

Unha forma de aprender é ensinar, colaborar na aprendizaxe do outro, participar da súa experiencia. Por iso é polo que os alumnos de 2º E.S.O presentaron aos seus compañeiros de 6º E. P o resultado do seu proxecto cooperativo sobre os verbos irregulares en Inglés, facéndolles partícipes da súa importancia para chegar a construír unha boa comunicación en lingua inglesa.

Cada grupo de 2º, defendeu o seu traballo fronte aos seus compañeiros de 6º , encargados de votar polo que máis lles gustou para ser exposto na súa aula.

Parabéns a todo o alumnado de 2º polo interese mostrado e moitas grazas ao de 6º e á súa profe de Inglés por colaborar connosco.